Imanol Iparragirre Antxora bidean da jada. Familiak abuztuaren 7an aterako zela uste bazuen ere Iparrak berak deitu du gaur arratsaldean, 17:30ak aldera. Zuerako espetxera abiatu da familia eta gauerdian herrian egongo dela espero da.
Iparra, Zuerako espetxe atarian
Iparrak zazpi urte eman ditu espetxean 18/89 auziagatik zigortuta
Presoak atalean
Gaur goizean aske geratu da Gorka Zulaika preso antxotarra. Zuerako espetxetik atera berri da Amnistiaren Aldeko Mugimenduko kide izateagatik. Bat gutxiago!
Hiru elkarretaratze burutu dira gaur arratsaldean Arkaitz Bellonen heriotza salatzeko, Donibanen, Antxon eta Trintxerpen. “Espetxe politika honi ez. Sakabanaketa amaitu” izan da hiruetan leloa.
Donibaneko konzentrazioa Santiago Plazan
Antxoko konzentrazioa Santiago Plazan
Trintxerpeko konzentrazioa Santiago Plazan
Presoak atalean
Arkaitz Bellon gure lagunaren heriotzaren berri izan genuen herenegun. Oraindik sinistu ezinik, berri honek, lur jota utzi gaitu. Ez da erraza lau hitzetan guretzako zer zaren azaltzea, baina zuk sarri erakutsitako indarraz baliatuko gara.
“Bihotz zabalegia bizitzea egokitu zaizun garairako” antzeko hitzekin marrazten dugu zure nolakotasuna. Baina tokatu zaizu bai, eta heldu diozu gogor zure garaia bizitzeari.
Lagunen lagun, musika taldeko txofer eta laguntzaile, natura zale amorratua, Elorrixoko gaztetxeko saltseroa, aisialdi taldeko sukaldari fina, hainbat ikastaro eta irteeren gatz eta piper-mina. Lagunok Pantxi deitzen zaitugu. Goiz murgildu zinen lan munduan, garraiolari, gazte langile beraz, konprometitua.
Euskal Herriarekiko hartutako konpromisoak 2000. urtean espetxera eraman zintuen. 2001. urte amaiera elkarrekin igaro bagenuen ere bi urte geroago berriz urrundu gintuzten: Valdemoro, Ocaña, Herrera, Algeciras, Puerto III, Sevilla eta Puerto I.ean, eduki bazaituzte ere, beti egon zara gure ondoan; zure izaerak, zure gertutasunak, atzo ikusi izan bagina bezala sentiarazi gaituelako.
Hurbiletik bizi izan dugu 13 urteko espetxealdi luze eta gogor hau; ordu luzeetako bidaiak sakabanaketaren ondorioz. Kristal lodiaren bestaldetik, kartzeleroen jipoiek eragindako ubeldurak sentitzea. Zure bakardadea gure bakardadea izatea. Baina beti eskaini diguzu zure irribarre gozoa.
Hamaika aldiz zapaldua denak, hamaika aldiz errebelatzeko aukera dauka. Eta zuk, hamaika aukera hauek baliatu dituzu errebelde izateko, kalean zein lau pareten artean. Bizitzarekin, daukagun ondasun guztiarekin, larrutik ordaintzeraino.
Berriro gerta ez dadin, beste inork guk jasandakoa berriz sufri ez dezan, beharrezkoa da kalera irtetea eta indarrak batzea. Batu ditzagun. Horretarako, bihar, larunbata arratsaldeko 17:30etan, “Espetxe politika honi ez, sakabanaketa amaitu” lemapean, herriko plazatik abiatuko den manifestaldian parte hartzera gonbidatzen dugu elorrixar zein Euskal herritar oro.
Presoak atalean
Gaur arratsaldean, Meipin, 40 lagun inguru batu dira Arkaitz Bellon presoaren heriotza salatzeko. Bihar ere, Donibanen biltzeko deia egin dute, 20:00etan, enkartelada berezia egingo dute Meipitik atera eta Santiago Plazaraino.
Antxon, bihar, 19:30ean salatuko dute Arkaitz Bellonen heriotza. Gure Zumardian elkartzeko deia egin dute.
Trintxerpen, bihar ere, ordu berean, kontzentrazioa deituta dago Azoka parean. Espetxe politika honi ez! Sakabanaketa amaitu orain! izango da leloa.
Bestelakoak, Presoak atalean
Hileko azken ostiraleko (urtarrilak 31) atarian hiru deialdi daude eginak herrian, Antxon, Donibanen eta San Pedron:
Presoak atalean
Hemen Pasaiako SORTUk argitara emandako oharra:
Pasaitarron olatuak mugi dezala larunbatean itsasoa
Bakearen alde gaudelako, Euskal Herri berria eraikitzen ari garelako eta giza eskubideen alde pausoak emateko prest gaudelako joango gara Bilbora. Konbentzituta baikaude eraikitzen ari garen Euskal Herri berriaren alde borroka egin beharko dugula, eta borrokatu gabe lorpenak eskasak izan ohi dira.
Larunbatekoa, hain zuen, indar erakustaldi bat izango da, mugitzeko prest ez daudenak mugiaraziko dituen olatu erraldoia izango da; euskal herritarren eta pasaitarren nahia aurrez aurre erakutsiko dien argazkia izango dute Bilboko kaleetan.
Pasaiatarrei euskal preso politikoen eta haien senideen eskubideen alde tanta izan zaitezten eskatu nahi dizuegu. Autobusez, autoz, edonola, goazen, izan gaitezen Pasaiako olatu.
Larunbateko itsasoko tanta izan nahi baduzu herrian antolatzen ari diren autobusetan izena eman. Donibanen eta Antxon bi aukera izango dituzu, goizetik joateko bata eta manifestaziora zuzenan iristeko bestea.
Donibane:
Antxo:
Trintxerpe:
San Pedro:
Presoak atalean
Trintxerpeko Azokan zabalik dagoen Elkartasun Guneak bart Trintxerpen gertatutako sutean kaltetutakoei laguntza emango die aurrerantzean.
Larunbata bitarte zabalik egongo da denda eta bertan jasota duten arropak kaltetuen artean banatuko dituztela azaldu dute antolatzaileek.
Elkarteasun denda 10:00etatik 13:00etara eta 17:00etatik 19:00etara dago zabalik, larunbata bitarte, egunero.
Herrigintza, Presoak atalean
pasaia ezkerretik 