Udalak plaka bat jarri du demokratikoki hautatutako Udalabatza indarrez kendu zutela salatuz. Alkate eta zinegotzien senideek ekitaldian parte hartu zuten pasa den astelehenean.
Artxiboa gaika: Udala
Alkateraen etxe atarian hirugarrenez zikindu dute
Amaia Agirregabiria Pasaiako alkatearen etxe ataria kakaz zikindu dute. Haritz Perez Pasaiako zinegotziak ema du honen berri. Hirugarren aldia da honakoa, gainera. Aurretik, gogoratu behar da Oihane Oronoz Donibaneko alkateordeak antzeko hainbat eraso jasan behar izan zituela.
Hiri Hondakinen Kudeaketa, Udala atalean
Behar sozio-kulturaletatik azpiegituretara
Larunbatean, San Pedron kultur azpiegituren inguruan burutzen ari den parte-hartze prozesuaren bigarren saioa egingo da. 10:00etatik 13:30era izango da bilera Udal Aretoan.
Parte hartu!
Parte hartze prozesuak, Udala atalean
EH Bilduren balorazioa Udal Aurrekontua onartu ondoren
Egin klik hemen Pasaiako EH Bilduren balorazioa irakurtzeko eta urtean zehar herrian burutuko diren ekimenen berri izateko.
Pincha aquí para conocer la valoración de EH Bildu Pasaia y para conocer las actuaciones que se se van ha hacer con este presupuesto.
Asteartean aurrekontua onartzeko plenoa, 19:00etan, Arizabalon
Asteartean eztabaidatuko da Arizabalon, 19:00etatik aurrera, aurtengo aurrekontua.
Bestetik EAJk herri galdeketa bidez hondakinen bilketa sistema erabakitzeko mozioa aurkeztu du.
Informazio gehiago: pasaia.ehbildu.net
Lezotik Donibanera bidegorria egiteko aurrerapausoa
Udalak bozeramaileen batzordean alderdi guztien oniritziarekin adierazpen instituzionala onartu du herritarrek eskatu bezala bidegorria egin dadin.
Hau da onartutako adierazpena:
1. Onartu Pasai Donibanetik Lezorako bideak ez dituela gutxieneko baldintzak betetzen irisgarritasunaren eta segurtasunaren aldetik. Ondorioz, arazoari premiazko irtenbide bat ematea onartzen da, jakinik, bide bakarra dela oinezkoentzako zein txirrindularientzako.2. Sostengatu Bonantza Auzo Elkarteak bultzatu duen ekimena, 34 talde eta elkarte eta 1.300 herritarren sinaduren babesa jaso duena, eta eskatu gai honen inguruko eskumenak dituzten erakundeen aurrean atzerapenik gabeko soluzioa, hori izango baita Donibane Lezorekin eta inguruko gainerako herriekin segurtasunez lotuko gaituen bidea.Halaber, Pasaiako Udalak egin ditzala egin beharreko ahalegin guztiak egoera penagarri honi aterabide bat emateko.
Informazio gehiago: pasaia.ehbildu.net
Udala atalean
Pasai Antxok otsailaren 27an ekingo dio hondakin bilketa sistema berriari
Gaur goizean Amaia Agirregabiria alkateak eta Izaskun Biurrun Antxoko alkateordeak prentsaurrekoa eman dute. Agerraldian esan dute Antxon zabor bilketa sistema berria datorren ostegunean jarriko dutela abian.
Jarraian prentsaurrekoaren edukia:
Amaia Agirregabiria, Pasaiako alkateak, balantze oso positiboa egin du aste honetan hondakinen bilketa selektiborako materialen banaketaz. “Aurrikuspenak gainditu egin dira, eta oso gustura gaude.” Aipatu duenez, “erakundeen ardura da kalte ekologiko txikiena sortzeko ahalik eta bitarteko onenak herritarren eskura jartzea” eta “arduraz jokatzen ari gara.” Udalak bere bitartekoak luzatzerako orduan, asteon, herritarren jarrera “oso ona” izan dela berretsi du alkateak: “ohitura aldaketa baten aurrean gaude, eta ohikoak diren zalantzak argitzeko beharrezko denbora hartu dugu. Bitartekoak emanda, herritarrengan jarri dugu konfidantza eta herritarrek borondate oso ona erakutsi dute.”Parte hartze prozesuan zehar, aste honetako banaketan eta informazio bulegoak egin duen lanaren bidez, “informazio banaketa ahalegin handia egin da eta egiten jarraituko da”, adierazi du, alkateak. Material banaketarekin fase bat itxita, ondorioz, otsailaren 27an, ostegunean, hasiko da Atez Ateko bilketa Pasai Antxon.Izaskun Biurrun, Pasai Antxoko alkateordeak, bere aldetik, gaur artean ezagutu diren edukiontziak asteazken gauean erretiratuko direla iragarri du. Ostegunean, horrenbestez, ontzi arinen bilketarekin hasiko da aldaketa. Ostegunean bertan hasiko da, baita ere, Antxoko alkateordeak adierazi duenez, boluminosoen bilketa: Parte Hartze bileran zehaztu bezala, lau gune berri ezarriko dira bilketa horretarako.Bestalde, hurrengo astelehenetik aurrera, ostalari eta merkatariei materialen banaketa egingo zaie, euren ostalaritza edo merkataritza guneetan bertan. Eta astearen hasieratik,baita ere, hiru arku itxiko dira, tren pasabidearen azpietan, etxebizitzetako bilketarako egokitzeko.Agirregabiriak, azkenik, eskerrak eman dizkie pasaitarrei erakutsitako jarreragatik. “Klase, joera, ideia politiko ezberdineko jendea pasa da materialak jasotzera. Eztabaida politikoa gainditu eta kultura aldaketan sakontzeko urratsak ematen ari gara eta pozik gaude. Ostegunetik aurrera bide berria hasiko dugu eta, pazientzia eta soseguarekin helburutzat jarri genituen emaitzak lortuko ditugu.”
Bilketa selektiborako materiala jaso behar zuten familien %75etik gora pasa dira lehen bi egunetan; eta astearen amaierarako Antxotarren %95 baino gehiagok egitea aurreikusten da
Antxoko material bilketari buruz Izaskun Biurrun Antxoko alkateordeak plazaratu duen prentsa oharra:
Izaskun Biurrun, Pasai Antxoko alkateordeak balorazio “oso positiboa” egin du lehen bi egunetako hondakinen bilketarako material banaketaz. “Astelehenean eta asteartean, izendatuta zeuden eremuetako biztanleen %75etik gora pasa zen euren edukiontzi eta informazio gidak jasotzera.” Horrenbestez, dagoeneko, aipatu kaleetako familien hiru laurdenek etxean dute bilketa selektiboa egiteko beharrezko azpiegitura.
Biurrenen iritziz, antolaketa onari esker, material jasotzearen tramitea asko “azkartu da”. “Jende askok hurbildu behar duenez, ahalik eta ondoen antolatuta, eraginkortasunez, banaketarako eta jendearen galderak erantzuteko bitartekoak jarri ditugu.” Ostiralean amaituko da etxebizitzei dagokien banaketa zikloa, eta egun horretan, aurreko egunetan materiala jaso ezin izan dutenek pasa ahalko dute, egun osoz. Antxoko alkateordearen iritziz, egunotakoa ikusita, “Antxoko familien %95k baino gehiagok materiala jasotzea aurreikusten dugu.”
Donibaneko adibidea
Biurrunek Pasai Donibaneko eredua aipatu du. “Donibaneko ereduak eta lorturiko datuek oinarria jarri dute, baina jendea kontzientziatzeko ere balio izan du.” Helburua, bere ustetan, Donibaneko emaitzak berdintzea da Antxon. “Jendearen artean motibazioa eta jakinmina sumatu ditugu material banaketan: seinale ona da. Gauzak oso ondo doaz materialen banaketari dagokionez eta ondoren ere horrela joango dira. Pasaitarrengan konfidantza osoa dugu beti.”
pasaia ezkerretik 