Trintxerpen eta San Pedron materialaren % 55 banatu da lehen hiru egunetan

Hondakin bilketa sistema berrira egokitzeko Pasaiako Udalak antolatu duen material banaketa erritmo onean doa. Lehen hiru egunetan San Pedro eta Trintxerpeko familien %55ak  jaso du dagokien materiala, hau da, organikoa biltzeko bi kubo; errefusa, ontzi arinak eta paperarentzako poltsa bana; sistemaren inguruko informazioa; eta hozkailuan itsasteko egutegi imantatua.

Jakinarazi nahi dugu ostiralean Trintxerpen banaketa puntu bakarra egongo dela. Ciriza etxean zentralizatuko da banaketa guztia. Ciriza leku handia da eta herritarrei harrera erosoago egingo zaie horrela. San Pedroko kasuan, ez da aldaketarik egongo, Gimnasioa izango da banaketa puntua aurretik iragarri bezala. Ordutegia, 9:00etatik 13:00etara eta 17:00etatik 20:00etara izango da. Ostegunean ez da aldez aurretik emandako egutegian aldaketarik egongo, San Pedron Gimnasioan banatuko da materiala eta Trintxerpen Cirizan eta Ulia 3an dagoen Garbitxokoan.

Zenbait momentutan arazoak izan ditugu materiala banatzeko garaian hornitzaileak ontzi arinen poltsak garaiz entregatu ez dituelako. Horregatik, Trintxerpeko lokaletan banaketa ez dugu nahi bezain fin egin eta kaltetuak gertatu diren herritarrei barkamena eskatu beharrean gaude. Dena den, herritarrek izan duten jarrera ona nabarmendu nahi dugu. Errespetuz jokatu dute eta oro har ongi ulertu dute arazoen aurrean emandako irtenbidea.

Bukatzeko, egunero zabalik egon diren banaketa puntuetan lanean aritu diren eta datozen bi egunetan ariko diren boluntarioen lana goraipatu nahi dugu. Aste osoan zehar 50 pasaitar boluntario aritu dira eta ariko dira bost banaketa puntutan materiala banatzen. Boluntarioen jarrera eta prestutasuna harrotzeko modukoa izan da Gobernu Talde honentzako. Garai bateko auzolanaren erakusle bilakatu dira 50 boluntario hauek. Mila esker guztiei.

Donibane eta Antxo ongi egiten ari dira

Udalak argitara eman duen prentsa oharra:

Donibanetarrek eta Antxotarrek % 84,80 birziklatu dute azken sei hilabeteetan

Lehenik eta behin, Gobernu Taldeak herritarrak zoriondu nahi ditu hondakinen bilketan egiten ari diren esfortzuak emaitza paregabeak eman baititu. Irailaren 1arekin Donibanek urte bete egin du atez ateko eta egokitutako lokalen sistemarekin hasi zenetik. Antxotarrek, berriz, urte erdia daramate Udalak esekitoki eta garbitxokoen sistema abian jarri zuenetik.

Esan bezala, azken sei hilabeteetan Udalak Donibanen eta Antxon bildu dituen hondakinak kontutan hartuta, %84,80 dira birziklagarri diren gaiak (ikusi ondoko koadroa). Udalak Donibanen eta Antxon jaso eta kudeatzen dituen gaiak honakoak dira: organikoa, papera eta kartoia, ontzi arinak eta errefusa.

Altzari zaharrak ere Udalak jasotzek ditu, hondakin hau Pasaia osoan. Azken sei hilabeteetan Udalak 33.480 kilo altzari jaso ditu (kopuru hau herri osoko bilketari dagokio). Altzari zaharrak gerora birziklatu egiten dira.

Bestetik, aipagarria da, eman dugun birziklatze-tasa igotzea ekarriko luketen beste gai batzuk San Markoko Mankomunitateak jaso eta kudeatzen dituela, hala nola, beira, arropa erabilia, olioa eta pilak. Udalak zuzenean kudeatzen ez dituenez barrutiz barrutiko datu zehatzik ezin du eman.

Halaber, San Markoko Mankomunitateak Udalari emandako azken hilabeteetako datuen arabera argi ikus daiteke Pasaia bere osotasunean %55 inguruko birziklatze-tasa lortzen ari dela azken hilabeteetan, bosgarren edukiontzia sistema gisa erabiltzen duen edozein herrik lortzen duen birziklatze-tasa erraz gaindituta.

Gobernu Taldearen iritziz datu hauen guztien irakurketa argia da, are gehiago kontutan hartzen badugu soilik pasaitarren %44a dela egun derrigorrezko bilketa selektiboa egiten ari dena.

Bidea markatuta dago, bidea ona da eta aukeratutako bilketa-sistema erabat baliagarria dela erakusten ari dira datuok. Horregatik, Donibane eta Antxoko pasaitarrak zoriondu eta San Pedro eta Trintxerpeko herritarrei sistema berriari aukera bat emateko eskatu nahi diegu. Berehala konturatuko dira esfortzuak merezi duela.

 

 

 

 

‘Turismo Basura’… bai, baina Pasaiako barrutien artean

Trintxerpen ere ongi egingo dugu

2014ko uztailaren 12arekin, sardina jatea antolatu zuen urteroko ohiturari jarraiki Trintxer Elkarteak, Karmengo Jaietako egitaraua osatuz.

Aurten, Udalak hondakinak biltzeko sistema laster aldatuko duela kontutan hartuta, Trintxer Elkarteko zuzendaritzak eredu izan behar zuela erabaki zuen. Eta horretarako, pausu txiki baina garrantzitsu batzuk eman zituen.
Festa hasi aurretik Udalari edukiontziak eskatu zitzaizkion, eta sardina jatean sortuko ziren hondakinak biltzeko Donibanen edo Antxon dauden Garbitxokoren bateko giltza ere eskatu zion Trintxer Elkarteak Udalari. Antxoko Hamarretxeta kaleko Garbitxokora sartzeko giltza eskuan, eta hiru edukiontzi handiak elkarteko atarian zirela hasi zen urteroko lana. Mahaian zehar hainbat kartel jarri ziren herritarrei hondakin organikoa aparte bilduko zela azalduz.

Bestetik, edozer botatzeko zakar poltsa handirik ez jartzea erabaki zen. Bi edukiontzi; bat marroia eta bigarrena horia, bata bestearen ondoan. Eta hirugarrena, urdina, basoak salgai zeuden tokitik gertu, edalontziak kartoizko kaxetan bilduta zetozela kontutan hartuta.
Sardinak eta sagardoa banatzen ariko ziren bazkide boluntarioei azalpen labur bat eman eta lehen sardinak banatuz hasi zen festa. Herritarrek txukun txukun uzten zituzten haien hondakinak mahai gainean. Eta Trintxerreko bazkideek are txukunago, arrain-hezurrak kubo marroira eta platerak horira… 18:30 etatik 21:00etara atseden hartzeko tarterik gabe!!!

Ondorioak argiak izan ziren: errefusa poltsa bakarra eta erabat bete gabea gainera; lurra, aurreko urteetan baino garbiago eta ondorioz garbitzeko errazago; eta bukatzeko, hondakinen parte handiena birziklagarri izatea lortu zen.
Hortaz, itzuli gaitezen hasierara. Bai, Trintxer Elkarteak aitortu behar du Turismo Basura egin duela. Sortu ziren hondakinak gaika bildu eta Udalak Antxoko Hamarretxeta kalean duen Gabitxokoraino abiatuta sardina hezurrak sistema zirkular batean bira berri bat emateko zabor turismoa egin duen elkartea da gurea.

Trintxer Elkarteko boluntarioak sardina jatea hasi aurretik

“Turismo Basura”… sí, pero entre distritos de Pasaia

El pasado 12 de julio, como de costumbre, Trintxer Elkartea organizó la tradicional sardinada de fiestas del Carmen.

Este año, teniendo en cuenta que el Ayuntamiento ha anunciado que en breve procederá a la implantación del nuevo sistema de recogida de residuos, la dirección de Trintxer Elkartea decidió que debía dar ejemplo, y para ello dio unos pequeños pero importantes pasos.

Antes de comenzar la fiesta, se solicitaron al Ayuntamiento contenedores para los residuos y la llave de uno de los locales de recogida o garbitxokos que ya están en funcionamiento en Donibane y Antxo, para poder depositar en el mismo los residuos generados durante la sardinada. Así, el trabajo de todos los años comenzó con la llave del garbitxoko de la calle Hamarretxeta de Antxo en la mano y los tres contenedores en la puerta de la sociedad. A lo largo de la barra se colocaron varios carteles informando a la ciudadanía de que los residuos orgánicos se recogerían selectivamente.

Además, se decidió no poner grandes bolsas de basura en las que poder depositar cualquier cosa. Dos contenedores: marrón el primero y amarillo el segundo, uno al lado del otro. Y el tercero, azul, cerca de la zona en la que se vendían los vasos, ya que éstos venían en cajas de cartón.

Tras una pequeña explicación a los socios y socias voluntarias que iban a participar en el reparto de sardinas y sidra, comenzó la fiesta con las primeras raciones. Las personas que se acercaban a degustar las sardinas dejaban los restos perfectamente ordenados sobre la barra, y los socios y socias de Trintxer, más ordenadamente aún, depositaban las raspas en el contenedor marrón y los platos en el amarillo. ¡Y así, sin descanso, desde las 18:30 hasta las 21:00!

Las consecuencias fueron claras: una única bolsa de rechazo, que ni siquiera estaba llena; el suelo más limpio que años anteriores, y por lo tanto, más fácil de recoger; y para finalizar, logramos reciclar la mayor parte de los residuos generados.

Volvamos, pues, al principio. Sí, hemos de reconocer que Trintxer Elkartea ha hecho Turismo de Basura. Esta es nuestra sociedad, una sociedad que recoge selectivamente los residuos generados y hace turismo basura para llevarlos al local que el Ayuntamiento ha puesto en la calle Hamarretxeta de Antxo, dando a las raspas de las sardinas una nueva vuelta en este sistema circular.

Hondakin bilketa berriaren aldeko taldearen prentsa oharra

Orain aste batzuk atera ginen plaza publikora, izan ere, beldur ginen presioengatik Udalak zer jarrera hartuko zuen hondakinen bilketari zegokionez. Zorionez Udala tinko agertu da eta EH Bilduko eta Ezker Anitzako zinegotziek eta alkateak aurrera egin dute erabaki zuzenarekin.

 

Konbentzituta gaude atez ate deritzan sistema dela dudarik gabe onena. Antxoko eta Donibaneko herritarrek erakutsi digute herria garbia daukatela, eta gainera birziklapen datuei begiratu besterik ez dago bi barrutitan: %85etik gertu.

 

Sistemaren aurka dauden herritarrek Trintxerpen antolatu zuten eztabaida saioan egon ginen eta bosgarren edukiontzia defendatu zuten lurraren eta zeruaren gainetik. San Pedron, Udalak deitutako batzarretan ere agertu dute hondakinak biltzeko sistema horren aldekotasuna.

 

Guri, ordea, ulertezina egiten zaigu 5. kontenedorearen defentsa jarrera. Datu ofizialak begiratu besterik ez dago. Bosgarren edukiontzia duten herri batzuen birziklatze portzentaje datuak dira honakoak (2014ko lehen bi hilabeteak): Eibar (%36); Elgoibar (%38), Soraluze (%36), Ermua (%36), Mutriku (%31), Orio (%39) eta onenetan onena, Urnieta (%43). Pasaiak berak ere gainditu ditu portzentaje horiek herriaren erdia baino gutxiago ari denean atez ateko sistemarekin.

 

Halaber, ezin dugu konpartitu sistema on baten eta kaxkar baten artean herritarrek erabakitzeko eskubidea izatea. Argi dago, sistema bat ona da, hondakinen inguruko Europako zuzentarauak betetzen ditu, mundu mailan erreferente bihurtzen gaitu. Beste sistemak, aldiz, birziklapen tasei dagokionez gaurkoarekin alderatuta, gehienez ere, 10-15 puntu besterik ez luke hobetuko. Atez ateko sistemak, Donibanen esaterako, birziklapen tasa 55 puntu igotzea lortu duenean.

 

Horregatik, benetan birziklatu nahi duten herritarrei dei egin nahi diegu aste honetan  Trintxerpen Udalak deitu dituen batzarretan parte hartzera. Entzun zein den proposamena, esfortzu txiki batek izugarrizko emaitzak ematen dituela konturatuko zarete.

 

 

 

Hondakin Bilketa Berriaren Aldeko Herritar Taldea

[BIDEOA] Antxoko eta Donibaneko hondakin bilketa sistema iruditan

Ostiralean, eman aukera bat ATEZ ATEri

Ostiral honetan atez ate sistemari aukera bat emateko eskatuz jaialdia deitu dute herritarrek.

17:30ean egin dute deia, Serafin Esnaola plazan

 

Eman aukera bat ATEZ ATEko sistemari

Sanpedrotar eta trintxerpetar talde batek batzar ireki bat deitu du ATEZ ATE sistemaren aldeko dinamika bat abian jartzeko. Batzarra ostegunean, 19:00etan, Ertin izango da.

Alkateraen etxe atarian hirugarrenez zikindu dute

Amaia Agirregabiria Pasaiako alkatearen etxe ataria kakaz zikindu dute. Haritz Perez Pasaiako zinegotziak ema du honen berri. Hirugarren aldia da honakoa, gainera. Aurretik, gogoratu behar da Oihane Oronoz Donibaneko alkateordeak antzeko hainbat eraso jasan behar izan zituela.

EH Bilduren balorazioa Udal Aurrekontua onartu ondoren

Egin klik hemen Pasaiako EH Bilduren balorazioa irakurtzeko eta urtean zehar herrian burutuko diren ekimenen berri izateko.

Pincha aquí para conocer la valoración de EH Bildu Pasaia y para conocer las actuaciones que se se van ha hacer con este presupuesto.